|
حزبی
شیوعی لهو ڕۆژهی دامهزراوه خۆی به ڕابهری گۆڕانکاری داناوه و له ههر
کاتێکدا بۆی گونجاوبێت ڕاپۆرتی سیاسی و بهرنامهی کار و پهیڕهوی ناوخۆی
بڵاوکردۆتهوه و بوێرانه رهخنهی لهخۆی گرتووه
|
|
بانگهواز
ژماره 2
بۆ گشت ڕۆژنامهکان
بۆ گشت گۆڤارهکان
بۆ گشت سایتهکوردی یهکان
بۆ گشت ماڵپهڕهکوردی یهکان
بۆ گشت ئاژانسکانی دهنگوباس
بۆ گشت کهناڵهکانی تهلهفزیون و
ڕادیۆ
تکایه ئهو بانگهوازه بڵاوبکهوه
شیوعی یهکانی کوردستان
حزبی شیوعی لهو ڕۆژهی دامهزراوه خۆی به ڕابهری گۆڕانکاری داناوه و
له ههر کاتێکدا بۆی گونجاوبێت ڕاپۆرتی سیاسی و بهرنامهی کار و پهیڕهوی
ناوخۆی بڵاوکردۆتهوه و بوێرانه رهخنهی لهخۆی گرتووه و به ئاشکراونهێنی بۆ
ئهندامان و دۆستانی بڵاوکردۆتهوه . به کورتی و کوردی حزبێکی نوێکهرهوه بووه
، لهناو بهدهنهی حیزب گۆڕانکاری کردووه و دهسته دهسته کۆمهڵ به کۆمهڵ
شوێنی هاوڕێ یانی تازهی لهناو حیزب کردۆتهوه و ڕێبازی تێکۆشانی شؤڕشگێرانهی خۆی به ئاشکر و
نهێنی جاڕداوه . ئهو رێبازه کاردانهوهی خستۆته سهر حیزبه کوردستانی یهکان
ئهوانیش چاویان له حزبی شیوعی کردووه و له کۆنگرهکان و پلینۆمهکان ڕاپۆڕتهکانیان
تاوتۆکردووه . لهپاش ڕاپهرینی ساڵی
1991 حزبی شیوعی که بووه تهرهف لهگهڵ ههردوو حیزبی مشهخۆر ئیتر ئهو سیفهتهی
لهدهستداوه و وورده وورده حزب بهرهو مردن چووه و بۆیه له ههڵبژاردنی ئهو
دوای یه بهو دهرده گهیشت و دهنگدانی خهڵکی گورجێکی گهوره بوو بهر نیوچهوانی
ئهوانه کهوت که حزبیان لهو سکهیه گواستۆتهوه بۆ بهشداری کردنی حزب له
دهسهڵات . بهشداری دهسهڵات لهگهڵ
ئهو دووزلهێزه گهورهترین زیانی به حیزب گهیاند ئهگهرچی رهنگه لهرووی
دارایی [مادی] ههندێک کهس یان کۆمهڵێک ئهندام سوودبهخش بن و ههتا سهرچۆکیان
گهندهڵیش بن . ئهنجامهکهی بۆ حزب بووه تۆراندنی شیوعییهکانی کوردستان و دۆستانی
شیوعی و لهدهستدانی دهنگی خهڵکی کوردستان
. ههنووکه حزب لهبهر ئهوهی
لهگهڵ ویستی جهماوهر بهڕێوه ناڕوات . گۆڕانکاری تێدا ڕوونادات و ناتوانێت
پێش جهماوهربکهوێت و ڕابهڕایهتی جهماوهر بکات بۆ ئهوهی ئهو داواکاریانهی
ههیهتی بۆی بانگهێش بکات. ئهو ژن و ئافرهته بوێرهی خاوهن ئهنفاڵ و ژنانی
گهرمیان و ههورهمان و بادینان و ههولێر و سلێمانی و کهرکوک و دهۆک و که له
بهردهم مایکرۆفۆنی کهناڵی [پارتی] و [یهکێتی] بهرامبهر کامیرا هاوار دهکات
که حکومهت هیچی بۆ نهکردوون و منداڵانیان لهناو قوڕ و له ژووری کهلاوه دهخوێنن
و نهوتیان نی یه بۆ خۆ گهرمکردنهوه گهلێک بوێر تره لهو ئهندامه سهرکردایهتیانهی
حزبی شیوعی کوردستان که دهمی قفڵ داوه . ئهو ژنانه گهلێک شۆڕشگێرترن لهو
ڕاگهیاندنهمردووهی حزبی شیوعی کوردستان که ناوێریت پهنجه بخاته سهر برینی
جهماوهر . ئهی ئهگهر دهزانن ئهو بیروڕایانه ساکارن بۆچی یهکێتی قوتابیانتان
پێش قوتابیانی توڕهی دانشگاکانی سلێمانی و ههولێر و دهۆک ناکهون داوای پێویستیهکانی
قوتابیان ناکهن . ئهی بۆ رێکخراوی حزبتان لهگهڵ خهڵکی توڕهی ههڵهبجه و گهرمیان
و کهرکوک ڕاناپهڕن بۆ ئهوهی داواکاری یهکانیان بخهنه بهرچاوی ههردووحکومهتی
سلێمانی ههولێر . ئهی ئهگهر داواکاری و خهمخواردنی شیوعییه کوردستانییهکان
سادهوساکاران بۆ ئێوه گۆشهگیربوون و خهڵکی سهردانی بارهگاکانتان ناکات . ئهی
یهکێتی ژنانتان چی بۆ یاسای دووژنی و خۆسوتاندنی ژنان کردووه له کوردستان . ئهی
سهردانی ماڵه شههیدانتان لهبیرکردووه . له کاتی شهڕی نێوان پارتی و یهکێتی هاوڕێی
بهڕێزم عهزیز محهمهد بووه هۆی نزیککردنهوهی مهسعود بارزانی و جهلال تاڵهبانی
، ئهی ئێستاکه بۆ نابنه پێشڕهوی جهماوهر و داواکاری یهکانی جهماوهر ڕابگهینن
و گهندهڵبازان ڕیسوابکهن . ئهی بۆ ڕۆژی کارهساتی پشت ئاشان لهبیردهکهن و
له ئهدهبیاتتان یادی ناکهنهوه . ئهوه بیرورای سادهیه بهلای ئێوه که شیوعییهکانی کوردستان بۆتان دهنووسن و
ڕێگاتان بۆ دهستنیشان دهکهن . ئهی کهی بهخۆتان دادێنهوه و خهڵکی له گۆڕهپانهکهی
خۆتان کۆدهکهنهوه .ئهوه نۆزدهساڵه کهبوونه پیاوی دهسهڵات لێتان دوورکهوتمهوه
ئهی ئێوه ئهو نۆزدهساڵه چیتان بۆ میللهت و جهماوهر کردووه و چهندین ئهندامتان
زیادکردووه . بهخۆتان داناچنهوه ئهو هاوڕێ دڵسۆزانهتان له کوێ کهوت . ئهوه
شیوعییهکانی کوردستانن ههردهم لهگهڵ رهوتی گۆڕانکاری خۆیان دهگونجێنن لهناو
کۆمهڵگا گۆڕانکاری دهکهن ئهوه بیروباوهڕی مارکسیهته خۆی لهگهڵ ههموو سهردهمێک
دهگونجێنیت و لهگهڵ گۆڕانکاری یهکان بهڕێوهیه ، کهچی ههنووکه سیستی ئهو
حیزبه و نهبوونی ههستێکی شۆڕشگێرانه بووه به پاشکۆی دهسهڵاتێکی گهندهڵسسزی
ههرسێ حکومهتی جاران و ههردوو حکومهتی سلێمانی و ههولێر لهپێناوی خۆژیاندن و
وهرگرتنی ههندێک لهو پوله پیسهی که لهلایهن ههردوو حیزبی دهسهڵاتدار پێشهکهشی
دهکرێت . لهگهڵ رابردووپیسی نهوشیروان
مستهفا ئهو گۆڕانکاری یه بووه به نهسیبی که توانی بههۆی قۆستهوهی بێزاری
خهڵکی کوردستان لهدژی ههردوو حیزبی دهسهڵاتدار و نیشاندانی کهموکوڕی یهکانی خهڵکی کوردستان بووه
پێشڕهوی ئهو ههموو گهنجه تازهیهی که رهفزی دهسهڵات دهکهن و بهدهست
هێنانی ئهو ههموو دهنگه و بهدهستهێنانی ئهو ههمووه کورسی یهی پهڕلهمان
. بهراستی دهبوایه ئهو ئینقلابه دیموکراسیهی ههڵبژاردن حزبی شیوعی پێشڕهوی
بکردبایه و چهپهکانی کوردستان ههنووکو نیوهی کورسی پهرلهمانیان
داگیربکردبایه . ههنووکه دهبوایه پێشڕهوانی خۆپیشاندانی گهنجان و قوتابیانی
خهڵکی کوردستان گهنجه شیوعییهکان بونایه بۆ ئهوهی داواکاری گهنج و قوتابی
و ژنی کوردستانی به گوێی کهڕی ئهو دهسهڵاته بۆگهنه بگهیندبایه . ئهو
کۆمهڵگایهی ئێمه لهسهر داوای دادگا کردنی مهسعود ــ جهلال ــ نهوشێروان دهستههڵناگرن
و سبهی یان چهند سبهیهکی تر که یاسا سهروهر دهبێت ، دهبێت ئامادهی بهردهمی
دادگا بن و بزانن ئهو ههموو گهنجهکورده بووه خۆراکی چ کارهساتێکی کوردستان
ئهو دیلانهی شهڕی خودکوژی چی بهسهرهات ئهی ئهو سامانهی کوردستان چۆن بهسهر
خویان دابهش کردووه . ئهو لێژنانه دهبوایه شیوعیهکان بۆ خهڵکیان
ئاشکرابکردبایه و ڕۆژانه رێگای کوردستان بهوکارانهی دهسهڵات دابچوبایهوه و
بۆ خهڵکی ئاشکرا بکردبایه و حکومهتی ههرێمی له کهموکوڕی یهکانی
ئاگاداربکردبوایه . ئهو خهڵکهی سلێمانی له سهردهمی تازه چۆن ئاوی زێراب و
پیس نۆش دهکات و رێکخرای حزبی شیوعیش له کۆبونهوهکانی جهماوهری دا دروشمی بهرزناکاتهوه
و هاودهنگی لهگهڵیان ناکات. خهڵکی دهرهجه دهیهمی سهرۆک و سهرکردایهتی
ههردوو حیزب شهق شهقانێ به سهرمایهی کوردستان دهکهن . خهڵکی بهشهڕهفی
کوردستان له ههڵبژاردنی ئهمجاره ههردوو حیزبی ریسواکرد و دهبوایه شیوعیهکان
ئهو دهنگه نارازی یانهی بۆخۆی وهربگرتبایه ، بهڵام جهماوهر ئهو حیسابهی
بۆ دهکرد که چۆن حزبی شیوعی کوردستان بووه به بهشیکی دهسهڵات ئهویش ههر
بههۆی بوونی تاقه وهزیرهکی که بۆی نهدهکرا و ههنووکهش بۆی ناکرێت بهڕێوهبهر
ێک دابمهزرێنیت . ههردوو حیزبی دهسهڵاتدار زۆر بێشهرمانه خهڵکیان بههۆی ئینتمای
حیزب بوونیان دادهمهزراێنن و خانوو بهسهر خهڵکی خۆیان دابهش دهکهن ئهی کوا ئهو گهرهک
وکۆڵانانهی بۆ شههیدانی شیوعییهکان
دروستکرداوه و ئهی کوا ناوی شههیدانی شیوعییهکوردستانیهکان له سهر
قوتابخانه و شهقام و کۆڵانهکان بهرزکراوهتهوه .
دیسان چارهسهرێکی به پهله بۆ
شیوعیهکانی کوردستان لهو خاڵانهی خوارهوه
دهبینم
یهکهم شیوعیهکانی کوردستان بهو بهرنامهیه و بهو سیاسهتهی حزبی شیوعی
کوردستان رازی نین . بۆیه دهبێت جارهکی تر به تێکڕای هێزی تهواوی شیوعیهکان
بهرنامهوسیاسهتی حیزب دابرێژڕێتهوه و بهرامبهر ههردوو حزبی دهسهڵاتدار خۆ بهکهمی
شیوعیهکان وهلابنرێت و خۆی به کهمی نهیهتهبهرچاو و سهرکردایهتیهی جهلال
ومهسعود به پێشڕهوی خۆی نهناسێت و بۆخهڵکی به رابهری بناسینێت ، دهبێت
بوێرانه و شۆڕشگێڕانه بۆ خهڵکی ڕوونبکاتهوه بزوتنهوهی رزگاری خوازی کوردی
تووشی چ قهیرانێک کردووه و ههنووکهش لهبهغدا کوردی تووشی چ کردووه. دهبێت
به خهڵکی بڵێت توندوتیژی نێوان نهوشیروان ــ جهلال تاڵهبانی تێکدان و
ئاڵۆزبوونی حکومهت نی یه . ئهو سهرکردایهتی
یه دووچاری قهیرانێک بووه بۆی نهکراوه لهماوهی نۆزدهساڵ شیوعییهکوردستانیهکان
لهخۆی کۆبکاتهوه و حزبهکه بهرهو زیادبوون ببات . سهرکردایهتی شیوعی
پێویستی به پاشکۆبوون نی یه بۆ هیچ حزبێکی دهسهڵات .
دووهم
شیوعیهکان له پێناوی بهرژهوهندی جهماوهر گیانفیدایی خۆیان کردۆته قوربانی
وههردهم لهگهڵ خهڵکی رهشورووت له تێکۆشاندان بۆ ئهوهی ژیانێکی خۆش بهدهست
بهێنن ، ئهو جهماوهره رهشورووته دهبێت خۆی نوێنهری خۆی بکات و پڕ به گهرووی
داواکاری یهکانی بخاته بهردهستی کاربهدهستان ههربۆیه دهبێت له کۆبونهوه
و میتینگهکانی حزبی شیوعی بهشداری تهواوی ههبێت و رێگانهدرێت کهمینهیهکی
سهر به کوتلهی فلانه هاورێ وفیساره هاوڕێ زۆرینهی کۆنگره بێت .
سێیهم
شیوعیهکان له پێناوی یهکگرتنی چهپی مارکسی و کۆکردنهوهی چهپی کوردستان تیدهکۆشن
بۆ ئهوهی وهکو هێزێکی سێیهم له کوردستان دهوریان ههبێت و لهبهرامبهر ئهو
دوو حیزبه پاوانخوازه رابوهستێت و رێگای پێنهدات چی تر سامانی کوردستان ببات .
چوارهم شیوعییهکان دهبێت به زوترین کات لهدهوری
یهکتر کۆبکرێنهوه و بتوانن زمانێکی تازه بۆ گفتوگۆی نێوانیان بدۆزنهوه بهبێ
ئهوهی ڤیتۆ بخرێته کهسایهتی و ههمووان لهبهرامبهر بزاڤی شیوعیهت بهیهکسانی
سهیربکرێت پاشان ئهوانهی کهناتوانن ئهو ئهرکه پیرۆزانه بهڕێوهببهن له
رێگادا دهمێننهوه و ئهوانهی دهتوانن تهکانێک به حزبی شیوعی بدهن دهمێننهوه
یان دێنه پێشهوه .
پێنجهم
له ئێستاوه بهبێ ئهوهی حزبی شیوعی بترسێت رێگای کوردستان بکاته مینبهری
بڵاوبوونهوهی ئهو سهرنجانهی کهدبێته بههێزکردنی شیوعییهکان و چهپهکان
له کوردستاندا و رێگا بهو قهڵهمه بوێرانه بدات بیروباوهری خۆیان تێدا
ئاشکرابکهن و داواش لهو نووسهره بهرێزانه بکرێت سهرنج و بیرورای خۆیان له
پێناوی بهرهوپێشهوهبردنی رهوتی شیوعیهت لهکوردستاندا بنووسن و بڵاوبکهنهوه
. ئهو رێگای کوردستانه دهبێت ببیته مینبهری بوێرانهی قهڵهمهکان که گهندهڵی
و دزی و کهموکوڕی دهسهڵات ئاشکرا دهکات . شهشهم
شیوعیهکانی کوردستان دهبێت هاوپهیمانی خۆی لهگهڵ شیوعییهکانی ناوچه و دهوروبهر
بههێزتربکات بۆ ئهوهی لهکاتی شوێنی گواستنهوهیان هاوکاری یهکتربکهن و ڕهوتی
شیوعییهکان بهرهوپێشهوه ببات بۆ ئهوهی دیموکراسیهت فرهوانتربکرێت .
حهفتهم
کۆبوونهوهی شیوعیهکان و گرێدانی کۆڕ و
سیمینار دهبێت بهردهوام بێت ههتا پێکهوهیی دهتوانن رێگاچارهیهکی چاک بۆ
بهرهوپێشهوه چوونی حزبی شیوعی کوردستان دهست نیشان دهکرێت.
ههشتهم
دهبێت لێژنهیهکی ڕیکوپێک له شیوعیهکانی کوردستان لهدهرهوهی ڕێکخستنهکانی
حزبی شیوعی کوردستان و رێکخستنهکانی حزبی شیوعی کوردستان پێک بێت بۆ ئهوهی چارهسهرێکی
تهواو بۆ شیوعییهکانی کوردستان بدۆزنهوه.
نۆیهم ههروهکو چۆن بۆکۆنگرهی چواری حیزب ڕاپۆرتی کۆنگره
ئامادهکراو تهقیمی حیزب تاوتۆکرا ئاوا دهبێت حزبی شیوعی کوردستان بهخۆی
دابچیتهوه و شۆڕشگیرانه رهخنه له کار و بهرنامه و سیاسهتی چهوتی خۆی
بڵاوبکاتهوه .
ئهوانهی ههوڵدهدن بۆ ئهوهی شیوعییهت له کوردستان
مردار بکهن خهیاڵیان خاوه .
بژی شیوعیهت
فههد گردهوانی 10/1/2010 ستۆکهۆڵم
هاوڕێی بهرێز دهتهوێت پێشنیارورهخنه دهربارهی ئهو
بانگهوازه بنووسیت تکایه بۆ ئهو ئهدرێسه نامهکهت یا نووسینهکهت ڕهوانه
بکه
E-mall; gardawanfahad@hotmail.com
Fahad Gardawan
Slättåkragränd 42 , 2 tr
125 72 ÄLVSJÖ
Stockholm – SWEDEN
Tel & Fax; 0046 8 81 74 48
Mobil: 0046 70 40 101 41